Kuunganisha nguvu za kidemokrasia na kimaadili ili kudai na kushawishi mabadiliko ya mfumo wa uchaguzi kwa kuwa na Tume huru, uwanja sawa wa kisiasa kwa vyama vyote na sheria nzuri za uchaguzi.
- Kwa kuwa imeonekana kuwa kukosekana kwa mifumo huru ya uchaguzi ni moja ya vyanzo vikuu vya kutofanya vizuri katika uchaguzi kuna haja ya kuzingatia kufanya hamasa/harakati za kudai mifumo huru ya uchaguzi kama sehemu ya kazi za msingi za kisiasa za CHADEMA.
- Kuhakikisha kuwa chama kinaendeleza asasi/taasisi ambayo itaweza kutekeleza programu mbalimbali za demokrasia na maendeleo mathalani: Kujiunga na mitandao sambamba na kushirikiana na mashirika mengine ya kiraia ya kitaifa na kimataifa; Kutoa elimu ya kisiasa,mafunzo kwa viongozi pamoja na kuunganisha nguvu za kidemokrasia/kimaadili nk.
